Amdanom ni
Yn 2018, cyhoeddodd Byrddau gwirfoddol Tai Ceredigion a Chymdeithas Tai Canolbarth Cymru ill dau eu bod wedi cychwyn ar daith i archwilio cydweithio agosach rhwng y ddau landlord.
Drwy wneud hynny, mae’r sefydliad newydd mewn lle i ddatblygu mwy byth o gartrefi fforddiadwy a darparu cyfleoedd mwy sylweddol am gyflogaeth a hyfforddiant ar gyfer staff a thenantiaid yn rhanbarth canolbarth a gorllewin Cymru. Mae cyfleoedd newydd cyffrous yn dod yn sgil yr uno i denantiaid, preswylwyr, gweithwyr a busnesau lleol.
 300 o weithwyr cyflogedig, rydym yn perchenogi ac yn rheoli mwy na 4,200 o gartrefi ar draws Ceredigion, Powys, Gogledd Sir Benfro a Sir Gaerfyrddin.
Rydym yn darparu ystod eang o wasanaethau i denantiaid gan gynnwys rhent, atgyweiriadau, a chyngor am fudd-daliadau lles.
Mae Barcud yn anelu at ddarparu 5,000 o gartrefi cynaliadwy, fforddiadwy, deiliadaeth gymysg, o safon uchel yng Nghymru erbyn 2026.
Mae’r Grŵp yn cynnwys Gofal a Thrwsio ym Mhowys, EOM, a’r Gymdeithas Gofal.
Ein gwerthoedd
Mae set eglur o werthoedd yn helpu i yrru ein hamcanion strategol.
YMRWYMIAD
Rydym wedi ymrwymo i ddarparu sylfeini cadarn ar gyfer bywyd
BALCHDER
Rydym yn ymfalchïo yn yr hyn a wnawn, ac yn ymfalchïo yn y ffaith ein bod yn ei wneud yn dda
PARCH
Rydym yn parchu’r bobl yr ydym yn gweithio gyda hwy ac iddynt, ac yn gwerthfawrogi’r cyfraniad a wnânt
GOFAL
Mae ein pobl, ein cymunedau, ein diwylliant, ein gwlad a’n planed yn bwysig inni
TÎM
Rydym yn gweithio gyda’n cydweithwyr, ein tenantiaid, ein cymunedau a’n partneriaid i helpu ein gilydd i lwyddo
Ein hardal
